Visita d@s peques da GALIÑA AZUL!!

Ola peques e familias!! 

Libria hoxe púxose moi contenta!! 

@s peques da Galiña Azul visitaron a biblio e foi moi emocionante velos gozar dos diferentes recunchiños e dos contos!! 

Marcharon moi felices co seu libriño de pegatinas!! 

Esperámosvos en setembro!! 

E grazas ao bo día que fixo a HORA DE LECTURA en moitas clases trasladouse ao patio!! Creáronse preciosas imaxes!! 

E recordade que 

"UN DÍA SEN LER, 

É UN DÍA PERDIDO". 

Apertiñas lectoras!!

LIBRIA TEN NOVOS AXUDANTES!!

 OLA PEQUES E FAMILIAS!!

ESTA SEMANA O ALUMNADO DE 6º GUIOU E FORMOU A UN GRUPIÑO DE VOLUNTARIOS E VOLUNTARIAS DE 5º PARA AXUDAR A LIBRIA COS EMPRÉSTAMOS DA BIBLIO E... PASÁRONO XENIAL!!

E RECORDADE QUE: "UN DÍA SEN LER, É UN DÍA PERDIDO"

APERTAS LECTORAS!!

GALICIA LE

A Xunta de Galicia acaba de abrir a todo o mundo o seu catálogo dixital con máis de 4500 obras. A través da plataforma "GALICIA LE" poderás acceder en préstamo a todos eses fondos.

SEMANA DA PRENSA NA ESCOLA

Entre o 11 e o 15 de marzo conmemoramos a Semana da Prensa na Escola. Unha iniciativa marcada no calendario escolar que fai da prensa un elemento pedagóxico máis, fomentando a súa lectura e desenvolvendo así o sentido crítico do alumnado.

A biblioteca do cole encheuse de actividades, xornais (nacionais e internacionais) e revistas para o traballo nas aulas e durante os recreos.

 Uns carteiros moi especiais percorreron as aulas deixando lotes de revistas e xornais para as "Horas de Ler" e as diferentes actividades dos cursos.

 E tamén comezamos co préstamo de revistas. Busca aquelas que están sinaladas cun punto verde e poderás levalas un tempo para a casa.

HORA DE LER COAS FAMILIAS DE EDUCACIÓN INFANTIL

ÉRASE UNHA VEZ... Así comeza a nosa aventura de oír, de escoitar, de mirar, de gozar coa palabra... Con ela pretendemos achegar ós nenos e nenas á literatura dun xeito lúdico e divertido. Con ela queremos que os cativos/as descubran o goce que produce a lectura e a escoita de contos. Estes, ademais de conectar cos seus propios soños e fantasías, farán que medreo seu vocabulario, que aprendan valores, e se acheguen de xeito divertido á escritura.

Tamén aprenderán a coidar os libros e a respectar a data de devolución, para non impedir a rotación dos contos entre todas as familias. Os contos irán para as casas os xoves e volverán os luns e poderán facer o debuxo e escribir o título no caderno que vai nas bolsas de préstamo.

MENCIÓN ESPECIAL PARA "MI PESADILLA FAVORITA"

O Centro Nacional de Innovación e Investigación Educativa (CNII), mediante a plataforma "Leer.es", ven de distinguir cunha "Mención Especial" do xurado o traballo do alumnado de 5º de Educación Primaria na elaboración dun "bibliotráiler". A obra escollida foi "O meu pesadelo favorito", de María Solar. O bibliotráiler creouse coa técnica "Stop Motion". Este traballo forma parte do proxecto que a biblioteca do centro está a desenvolver neste curso, relacionado co cine e as emocións. Parabéns ó noso alumnado!

BIBLIOTRÁILER O MEU PESADELO FAVORITO

O alumnado de 5º A realizou un "bibliotráiler" da obra de María Solar "O meu pesadelo favorito", que previamente leron de xeito conxunto na aula durante as "Horas de Ler". O bibliotráiler realizouse coa técnica "Stop Motion". Agardamos que vos guste.