RECOMENDACIÓNS DE NADAL

Deixamos as recomendacións de lectura para ler e agasallar este nadal. Agardamos que vos guste a escolma do equipo de biblioteca para este ano.

RECOMENDACIÓNS DE LECTURA DE NADAL

SAMAÍN NA BIBLIOTECA

 O samaín chegou cargado de actividades á biblioteca do cole.

O alumnado de sexto de Primaria preparou contos de medo, que contaron a todo o alumnado durante as"Horas de Ler"

 Tivemos visitas inesperadas.

 E mesmo Libria animouse a ler un conto.

 Pero o máis terrorífico foi..... O túnel do terror!!!!!!

 Arrepiante!!!!!!

DÍA DA BIBLIOTECA

Este ano festexamos o "Día Internacional da biblioteca" visitando a biblio do cole. Libria agardaba con moitas sorpresas.

 Os maiores prepararon sesións de contacontos.

 Lembramos as normas e eleximos a nosa lectura.

Pasámolo xenial!!!!

PRÉSTAMO DOS LECTORES ELÉCTRONICOS

O alumnado de sexto está de sorte. Xa están dispoñibles para o préstamo catro lectores electrónicos cargados cunha morea de lecturas interesantes. Para poder facer o préstamo hai que anotarse na lista de agarda na biblioteca, e traer firmada pola familia unha autorización. 

VISITA DE LIBRIA

A semana pasada o alumnado de Educación Infantil, primeiro e segundo de primaria recibiron unha visita sorpresa.

Libria, a mascota da biblioteca, pasou a saudar e a repartir os carnets da biblioteca para que todo o alumnado poida levar prestado libros, dvd, música...

Libria quedou encantada coa benvida e os agarimos recibidos e prometeu voltar pronto.

Estade atentos se escoitades cascabeis polos corredores do colexio, porque pode ser ela.

E xa sabedes que sempre a podedes atopar na biblioteca. Ata pronto!!!

COMEZANDO NA BIBLIOTECA

A biblioteca do cole recupera a actividade cargada de ideas para este curso. Libria, a nosa mascota, mandou varias cartas a todo o alumnado do cole con propostas novedosas e divertidas. 

A mascota deixou uns carteis para que anotemos a nosa lectura favorita deste verán. Aínda estades a tempo de vir e contarlle a vosa. 

Animádevos!!!

BIBLIOTRÁILER "KIKA SUPERBRUXA E OS PIRATAS"

O alumnado de 2º A leu este curso, durante as "Horas de Ler", "Kika Superbruxa e os Piratas". Logo da lectura elaboraron o "Guión Gráfico" ou "Storyboard", e partindo dos seus guións fixeron este bibliotráiler. Agardamos que vos guste!

A CARTELEIRA DO "CINEMA TORRE ILLA"

Xa está no corredor da planta baixa do colexio a exposición da carteleira coas películas e cortos traballados durante este curso no proxecto "Emocinéate". A exposición poderase visitar entre as 9:15 e as 11:15 esta semana.

MENCIÓN ESPECIAL PARA "MI PESADILLA FAVORITA"

O Centro Nacional de Innovación e Investigación Educativa (CNII), mediante a plataforma "Leer.es", ven de distinguir cunha "Mención Especial" do xurado o traballo do alumnado de 5º de Educación Primaria na elaboración dun "bibliotráiler". A obra escollida foi "O meu pesadelo favorito", de María Solar. O bibliotráiler creouse coa técnica "Stop Motion". Este traballo forma parte do proxecto que a biblioteca do centro está a desenvolver neste curso, relacionado co cine e as emocións. Parabéns ó noso alumnado!

BIBLIOTRÁILER O MEU PESADELO FAVORITO

O alumnado de 5º A realizou un "bibliotráiler" da obra de María Solar "O meu pesadelo favorito", que previamente leron de xeito conxunto na aula durante as "Horas de Ler". O bibliotráiler realizouse coa técnica "Stop Motion". Agardamos que vos guste.

VISITA DE FINA CASALDERREY

Onte o alumnado de 5º e 6º de Educación Primaria tivo un encontro coa escritora Fina Casalderrey no salón de plenos do Concello da Illa, que organizou este encontro. Todo o alumnado tivo ocasión de coñecer máis polo miúdo a obra da homenaxeada no día das Letras Galegas, e o libro "María Victoria Moreno. A muller que durmía pouco e soñaba moito," de Fina e Marilar Alexandre. Aproveitando a ocasión, o alumnado de 6º preparou unha entrevista que pronto poderemos ver en "Carcamán tv".

NOTICIA DE "LA VOZ DE GALICIA"

NOTICIA DO FARO DE VIGO

LETRAS GALEGAS 2018

O expositor da biblioteca adicado ás "Letras Galegas 2018" ten varias colecións con libros de María Victoria Moreno, doadas polo concello, para seguir traballando á homenaxeada este ano no "Día das Letras Galegas".

Tamén podedes consultar os exemplares da "Revista Carcamán" deste curso, que ten coma protagonista de portada á nosa mascota caracterizada de superheroína. 

ABRIL, MES DOS LIBROS

 Abril é o mes dos libros no CEIP Torre Illa. A conmemoración o 2 de abril do "Día Internacional do Libro Infantil e Xuvenil", e a celebración da"Semana do libro" do 23 ó 27 de abril enche as "Horas de Ler", os patios e as aulas de actividades moi variadas arredor da lectura.

Nos recreos da "Semana do libro" fixemos intercambio de libros no "TROCOBOOK"

Tamén visitounos Anxo Moure para contarnos algúns contos e reciclar as malas novas que saen nos xornais.

Os intercambios de lectores entre aulas deixaron momentos coma este en Educación Infantil.

E os "apadriñamentos lectores" encheron todos os recunchos do patio para que os maiores agasallaran cunha lectura ós máis pequenos.

APADRIÑAMENTOS LECTORES NA SEMANA DO LIBRO

XIX SALÓN DO LIBRO DE PONTEVEDRA: "MULLERES DE CONTO"

Do 6 ao 29 de abril volve o "Salón do Libro de Pontevedra". O tema da edición de 2018 é MULLERES DE CONTO e con ela pretendemos render merecida homenaxe a ás mulleres que conforman o mundo da literatura infantil, desde os personaxes dos contos ata as autoras, editoras, ilustradoras, profesoras, bibliotecarias… e, ao tempo, promover unha lectura crítica e reflexiva, con perspectiva de xénero, ao mundo da creación literaria e plástica da LIX. Para máis información preme no seguinte enlace: 

SALÓN DO LIBRO

ELABORANDO O GUIÓN GRÁFICO

O alumnado de segundo de primaria xa ten o guión gráfico ou story board para a elaboración do seu bibliotráiler ou booktrailer. Logo de ver como son os bibliotráilers doutros libros puxéronse mans á obra. Estamos desexando velo!!!

UN DESFILE DE PELÍCULA

O entroido do colexio encheu de cor, unha vez máis, as rúas da Illa de Arousa. O proxecto deste ano inspirou o tema, e servíu para afondar un pouco máis no mundo do cine.

 noticia do Faro de Vigo