GALICIA LE

A Xunta de Galicia acaba de abrir a todo o mundo o seu catálogo dixital con máis de 4500 obras. A través da plataforma "GALICIA LE" poderás acceder en préstamo a todos eses fondos.

ELABORANDO O GUIÓN GRÁFICO

O alumnado de segundo de primaria xa ten o guión gráfico ou story board para a elaboración do seu bibliotráiler ou booktrailer. Logo de ver como son os bibliotráilers doutros libros puxéronse mans á obra. Estamos desexando velo!!!

PROXECTO CINE E EMOCIÓN

Este curso continuaremos afondando nas emocións, e desta volta o faremos da man do cine. O curso  pasado iniciamos co proxecto "Emocionarte" un percorrido polas emocións e a arte, que agora poderemos continuar da man do cine. O cine será o instrumento pedagóxico que guiará a investigación arredor das relacións interpersoais, os conflictos, as paixóns e as emocións, ó mesmo tempo que desenvolvemos os contidos propios das diferentes áreas. 

ARQUITECTURA HUMANA

Estes días tivemos na exposición EmocionArte a versión da obra de Maruja Mallo "Arquitectura Humana", que fixo o alumnado de 6º B, e que relacionaron coa tristeza.

Neste vídeo, Sara e Eloy falan da obra, da autora e dos contidos de mátemáticas que traballaron con ela: xeometría, proporción e simetría.

TERRITORIO DAS ARTES... E DAS EMOCIÓNS. EmocionARTE.

Xa botou a andar o noso proxecto deste curso: EmocionArte. Con él melloraremos no uso e manexo  da información, ó mesmo tempo que descubrimos algunhas obras de arte, e a súa vinculación coas emocións. 

Para continuar o traballo de investigación, búsqueda e tratamento da información deixamos este "webmix". Agardamos que sexa de utilidade.

WEBMIX EMOCIONARTE

EXPOSICIÓN DAS NOSAS GUÍAS NO MUSEO DA CONSERVA

O alumnado do colexio tivo ocasión de visitar, no punto de información turística do concello, e no Museo da Conserva da Illa de Arousa, unha exposición do proxecto desenvolto o curso pasado: "A Illa de Arousa, a miña localidade". 

A mostra da presenta os traballos de investigación elaborados polo alumnado e as guías turísticas elaboradas polos diferentes cursos. Estará aberta ó público os vindeiros meses, e ofrecerá ós visitantes información moi valiosa. Ó fin e o cabo, esa foi a finalidade que queríamos que tivera. Eva, a encargada do punto de información turístico, contounos que as guías están gustando moito ós visitantes, nacionais e mesmo internacionais, que visitan o museo.

ESTREA DO DOCUMENTAL "A CHAVE PARA 6000 PRESOS"

O pasado mércores 8 de xuño estreouse no auditorio do concello o documental no que levan traballando dende o comezo de curso o alumnado de 4º B, xunto cos mestres e mestras Alicia, Carlos, Gonzalo e María.

 No documental, que aborda como era a vida antes e despois da ponte, hai cabida para a nostalxia, a emotividade e o riso. Que antes non había coches e que todos eran como unha gran familia xa se sabía, pero tamén se descobren anécdotas desas que non salen na hemeroteca. Para ver a presentación do documental segue o seguinte enlace: PRESENTACIÓN DO DOCUMENTAL

PROXECTO A ILLA DE AROUSA

 Este curso o proxecto da biblioteca está centrado na nosa localidade. Afondaremos na historia, na cultura e na tradición da Illa de Arousa. Será unha oportunidade para aprender a buscar e a seleccionar información, como están a facer xa os alumnos e alumnas de 5ºB. Tamén unha oportunidade de perfeccionar o texto informativo, xa que co froito da nosa investigación, entrevistas e actividades, elaboraremos unha guía turística.

 Converterémonos así en promotores da nosa localidade, amosando os atractivos culturais, paisaxísticos, gastronómicos e lúdicos que ofrece a Illa de Arousa