RECOMENDACIÓNS DE LECTURA PARA O NADAL

RECOMENDACIÓNS DE LIBRIA PARA LER E AGASALLAR NO NADAL

PROXECTO CINE E EMOCIÓN

Este curso continuaremos afondando nas emocións, e desta volta o faremos da man do cine. O curso  pasado iniciamos co proxecto "Emocionarte" un percorrido polas emocións e a arte, que agora poderemos continuar da man do cine. O cine será o instrumento pedagóxico que guiará a investigación arredor das relacións interpersoais, os conflictos, as paixóns e as emocións, ó mesmo tempo que desenvolvemos os contidos propios das diferentes áreas. 

OS LIBROS LIBERADOS VOLTAN Á BIBLIOTECA

Os libros liberados pola Illa de Arousa no Bookcrossing do curso pasado comezan a chegar de volta á biblioteca do cole. Deixan atrás aventuras e viaxes pola localidade, e xa están dispostos a  pasar o inverno na biblioteca. 

Nos diarios da viaxe que realizaron comprobamos que fixeron un longo percorrido. Nestas aventuras, un dos libros atopouse con Adrián e Jorge, dous nenos de Valverde del Fresno, na provincia de Cáceres, que nos deixaron esta nota. Alegrámonos de que vos gustase a iniciativa, e que todos os que atopáchedes un "libro libre" gozárades coa lectura.

APRENDER A PENSAR NA BIBLIOTECA ESCOLAR

Xa temos nos corredores os carteis deste curso da biblioteca. "Aprender a pensar coa biblioteca escolar" é o lema escollido para os materiais que a Consellería de Cultura, Educación e Ordenación Universitaria edita a comezos do curso 2017/2018 con destino ás bibliotecas escolares dos centros educativos galegos. O ilustrador Xosé Tomás foi o encargado, nesta ocasión, de realizar a  interpretación gráfica do lema anual. 

ARQUITECTURA HUMANA

Estes días tivemos na exposición EmocionArte a versión da obra de Maruja Mallo "Arquitectura Humana", que fixo o alumnado de 6º B, e que relacionaron coa tristeza.

Neste vídeo, Sara e Eloy falan da obra, da autora e dos contidos de mátemáticas que traballaron con ela: xeometría, proporción e simetría.

RECOMENDADIÓNS DE LECTURA PARA O VERÁN

RECOMENDACIÓNS EN PDF

GALERÍA EMOCIONARTE

Logo de todo un curso de traballo arredor das emocións e da arte no Proxecto EmocionArte queremos convidar a todas as familias a que visitedes a nosa "Galería de arte EmocionArte", que estará aberta o mércores 7, xoves 8,  venres 9, luns12 e martes 13 de xuño entre as 13:30 e as 14:15, na sala de usos múltiples do colexio. Agardamos que vos guste!!

V CERTAME DE RELATO CURTO

O 30 DE MAIO, EN PONTEVEDRA, FIXERON ENTREGA DOS PREMIOS DO "V CERTAME DE RELATO CURTO" QUE CONVOCOU A FANPA  (FEDERACIÓN PROVINCIAL DE ANPA DE CENTROS PÚBLICOS DE PONTEVEDRA). ENTRE OS PREMIADOS ESTÁ CANDELA, DE 6ºB, QUE RECIBÍU UNHA MENCIÓN ESPECIAL CO SEU RELATO "UNHA GRAN BATALLA". O SEU RELATO, XUNTO CON OUTROS PREMIADOS, PUBLICARONSE NUN LIBRO QUE EDITA A FANPA E QUE PODEDES ATOPAR NA BIBLIOTECA. NORABOA!!!

PROXECTO AS PLANTAS E O HORTO EN EDUCACIÓN INFANTIL

O GUERNICA E O MEDO. PROXECTO EMOCIONARTE

SERVANDO BARREIRO NA SEMANA DO LIBRO

Que ben o pasamos con Servando e os contos musicados!

XOGANDO APRENDEMOS ARTE

Hoxe compartimos este recurso recén incorporado ó repositorio "Abalar" que está gustando moito ó noso alumnado. É un xogo de preguntas e respostas sobre imaxes relevantes da historia da arte. Está pensado como recurso educativo na aula de plástica. Para xogar só ou cos amigos.

TESTEARTE

ABRIL, MES DOS LIBROS

Abril é o mes dos libros no CEIP Torre Illa. A conmemoración o 2 de abril do "Día Internacional do Libro Infantil e Xuvenil", e a celebración da "Semana do libro" do 17 ó 21 de abril enche as "Horas de Ler", os patios e as aulas de actividades moi variadas arredor da lectura.

O martes 18 fixemos os intercambios de lectores entre as aulas.

O mércores e xoves os maiores apadriñaron ós máis pequenos, agasallando coas lecturas polos patios.

O venres 21 tivemos moitas visitas de familiares que nos falaron dos seus libros preferidos e das emocións que lles evocaban.

Tamén tivemos a visita do contacontos Servando Barreiro.

Unha semana chea de sorpresas arredor dos libros! 

Enlaces ás noticias na prensa:

A ILLA INVITA Á LECTURA. FARO DE VIGO

ESCONDE LIBROS CON DATOS GPS. DIARIO DE AROUSA

LIBROS E ANIMACIÓN NO TORRE ILLA. LA VOZ DE GALICIA

UN LIBRO, UNHA EMOCIÓN

Pixabay

O venres 21 de abril gustaríanos que algún familiar do alumnado viñera lernos durante a "Hora de Ler" (de 12:15 a 12:35). Podería ser un conto, ou un fragmento dun libro, e quixeramos que nos falarades das emocións que vos evoca a súa lectura (por exemplo: contaxia felicidade,  a súa lectura relaxa e tranquiliza, lémbravos á vosa infancia, o final e algo triste...). Deste xeito contribuiremos a mellorar o coñecemento das emocións dentro do noso proxecto  EmocionArte. 

Se vos animades a participar, poñédevos en contacto co titor/a . 

BOOKCROSSING POLA ILLA:LIBRIA GO!

Hoxe Libria, a mascota da biblioteca, liberou libros por moitos lugares da Illa de Arousa. O "BookCrossing", ou a liberación de libros, consiste en deixar libros en lugares públicos para ler quen os atope. Logo da lectura, debemos liberalos de novo, para que sigan viaxando e facendo novos amigos.

Para darnos algunha pista, os libros que deixou están localizados no seguinte mapa. Se os atopades, e decidides deixalos noutro lugar, podedes falar coas mestras/es da biblioteca para cambiar a súa ubicación no mapa.

MAPA COA LOCALIZACIÓN DOS LIBROS

Cando chegue o outono de 2017 os que atopedes os libros non os liberedes de novo, traedeos ó colexio para que pasen o inverno na biblioteca.

Agardamos que vos guste esta emocionante aventura, e que atopedes moitos libros. Con ela queremos festexar o "Día do libro Infantil e xuvenil" (2 de abril). Lembrade anotarvos no "Diario da viaxe" para que saibamos cantas persoas leron o libro na súa viaxe. Boa búsqueda e boas lecturas!!

AS MENINAS EN "ARTS AND CRAFTS"

 Xa están polos corrredores do centro as primeiras mostras do proxecto "EmocionArte". Con esta obra de Velázquez, o alumnado de 4º de Educación Primaria tivo a oportunidade de ampliar o vocabulario relacionado coas emocións en Lingua Inglesa, ó tempo que coñecer a obra e o autor.

SEMANA DA PRENSA NA ESCOLA

O xornal foi esta semana un apoio para o traballo e a lectura nas aulas. Durante o recreo estiveron na biblioteca a disposición de todo o alumnado. Atopamos xornais de ámbito local, nacional e internacional.

Ademais, tamén puidemos consultar máis edicións nacionais e internacionais nos seguintes enlaces:

http://www.eufeeds.eu/

XORNAIS EUROPEOS

XORNAIS INTERNACIONAIS

TERRITORIO DAS ARTES... E DAS EMOCIÓNS. EmocionARTE.

Xa botou a andar o noso proxecto deste curso: EmocionArte. Con él melloraremos no uso e manexo  da información, ó mesmo tempo que descubrimos algunhas obras de arte, e a súa vinculación coas emocións. 

Para continuar o traballo de investigación, búsqueda e tratamento da información deixamos este "webmix". Agardamos que sexa de utilidade.

WEBMIX EMOCIONARTE

EMOCIÓNS E PAZ

Para conmemorar o "Día da Paz", os corredores do centro enchéronse de pancartas moi emotivas a prol da paz. 

Tamén traballamos coa prensa a realidade que están a vivir os refuxiados sirios. Coas novas que o alumnado e as familias aportaron fixemos varios paneis expositores.