1ºA COMPARTE O PREMIO CON LIBRIA

AS NENAS E NENOS DE 1ºA FIXERON UNHA VISITA Á BIBLIOTECA QUE ENCHEU DE LEDICIA A LIBRIA. VIÑERON CARGADOS COS LIBROS QUE RECIBIRON COMO PREMIO POLA ADAPTACIÓN EN VÍDEO "QUÉN LEVOU A LÚA?" COA QUE GAÑARON O PRIMEIRO PREMIO DO CONCURSO "NOS TAMÉN CREMOS".

OS LIBROS QUEDARON NA BIBLIOTECA PARA QUE TODOS POIDADES GOZAR COA SÚA LECTURA. MOITAS GRAZAS!!

VISITA DE ANXO MOURE

ANXO MOURE VEU HAI UNS DÍAS Á BIBLIOTECA DO COLE PARA CONTARLLE Ó ALUMNADO DE EDUCACIÓN INFANTIL MOITAS HISTORIAS RELACIONADAS COS SEUS LIBROS "A XACIA LUVIÑAS" E O "CARBALLO CON BOTAS". NELAS TRANSMITÍU ÓS MÁIS PEQUENOS DO COLE O IMPORTANTE QUE É COIDAR OS NOSOS BOSQUE E AS NOSAS RÍAS, RÍOS E MARES.

MUSICONTO PARA A RECICLAXE

"O PÍRINCIPE LINO NO REINO DE AZELEB" FOI O CONTO MUSICADO QUE TODO O ALUMNADO DO CENTRO TIVO OCASIÓN DE VER HAI UNHAS SEMANAS. CON ÉL LEMBRAMOS A IMPORTANCIA DE FACER UNHA BOA XESTIÓN DOS RESIDUOS QUE XERAMOS NAS CASAS, DEIXANDO EN CADA COLECTOR O QUE LLE CORRESPONDE. TAMÉN GOZAMOS COA MÚSICA E AS CANCIÓNS QUE O ACOMPAÑABAN.

SEMANA DA PRENSA NA ESCOLA

 A SEMANA PASADA CONMEMORAMOS A SEMANA DA PRENSA NA ESCOLA. NAS AULAS TRABALLAMOS CON XORNAIS E NA BIBLIOTECA TIVEMOS TODA A SEMANA XORNAIS E MÁIS REVISTAS DAS QUE ADOITAMOS TER.

TAMÉN RECIBIMOS A VISITA DUNHA XORNALISTA, BEA COSTA, REDACTORA DA VOZ DE GALICIA. BEA TIVO UN ENCONTRO CO ALUMNADO DE CUARTO, QUINTO E SEXTO DO CENTRO. FALOU DE COMO ESCRIBEN AS NOTICIAS, E CONTOU MOITAS ANÉCDOTAS DO SEU TRABALLO. TAMÉN DEUNOS ALGÚN APUNTE DO FUTURO DO XORNAL DIXITAL E A SÚA IMPORTANCIA PARA O MEDIO AMBIENTE.

DURANTE A SÚA INTERVENCIÓN ABORDOU A RELACIÓN DA MULLER E O XORNALISMO, XA QUE TIÑAMOS MOI RECENTE O DÍA INTERNACIONAL DA MULLER, E RELATOU A SÚA EXPERIENCIA PERSOAL.

EXPOSICIÓN RECICLarte

Xa están na biblioteca, para a súa exposición, as obras de arte que fixo o alumnado do centro co material de refugallo. Aquí podedes ver o moito que traballaron os artistas. Canta imaxinación e creatividade!

 Con estes traballos tan bos, ó xurado foille moi complicado escoller só un obra de arte. Pero finalmente será a  de Erik, de 2º B, a que representará o centro no concurso de SOGAMA.

RECICLarte

Eres un artista co material de refugallo? Pois anímate a participar elaborando a túa obra de arte.

As obras deberán estar feitas con residuos correspondentes ao contedor amarelo (envases de plástico, latas e briks), e envases do contedor azul (envases de cartón e papel)

De entre todas as obras presentadas selecionaremos unha que representará ó cole no concurso da campaña “separemos ben para reciclar mellor” de SOGAMA.

Cada alumno/a pode presentar só unha obra individualmente ou nun grupo, máximo de tres compoñentes.

TENDES DE PRAZO ATA O 25 DE FEBREIRO. ANIMÁDEVOS!!!

VIDEOCONTO PARA UN NADAL MÁIS SOSTIBLE

Aquí tedes o videoconto especial de Nadal protagonizado pola Familia Trebón e que leva por título “Unha carta moi especial”. Este ano, os Reis Magos, Papa Noel e mailo Apalpador decidiron unirse para pedir aos nenos e nenas unha serie de favores: que escollan ben o agasallo que máis lles guste e aquel ao que vaian dar uso; que pidan poucos agasallos a fin de que cheguen para todos os nenos e nenas do Planeta Verde, recordando que o mellor de todos eles é compartir cos amigos os xoguetes; e o máis importante, que sexan moi felices e que axuden tamén a ser felices ás persoas que teñen ao seu arredor.

 Tamén aproveitan para felicitar aos escolares por aprender tan ben a regra dos tres erres e instannos a ensinarlla aos seus compañeiros e maiores.

SEPAREMOS BEN, RECICLAREMOS MELLOR

NON ROMPAS O ESFORZO DE TODOS, RECICLA. CON ESTE LEMA DESENVOLVEMOS ESTES DÍAS UNHA ACTIVIDADE ENMARCADA NO NOSO PROXECTO DE EDUCACIÓN DOCUMENTAL PARA ESTE CURSO, COA COLABORACIÓN DE SOGAMA (SOCIEDADE GALEGA DO MEDIO AMBIENTE).

OS EDUCADORES AMBIENTALES QUE VIÑERON ÁS AULAS LEMBRÁRONLLE Ó ALUMNADO A IMPORTANCIA DE SEPARAR OS RESIDUOS Á HORA DE TIRAR O LIXO, PARA ASÍ PODER RECICLAR A MAIOR CANTIDADE DE DESPERDICIOS POSIBLE, CONTRIBUÍNDO DESTE XEITO A COIDAR O MEDIO AMBIENTE.

QUE BOTAMOS NO CONTEDOR AMARELO

A empresa que recolle o contedor amarelo nas rúas da Arousa ven de desenvolver unha sesión didáctica co alumnado de 4º de Educación Primaria para explicarlle cómo é o proceso de reciclaxe e a importancia de facelo correctamente.

 Esta é a primeira actividade do noso proxecto de biblioteca para este curso, que este ano adicaremos ó DESENVOLVEMENTO SOSTIBLE e organizouse coa colaboración da Concellería de Educación e Medio Ambiente da Illa.

LEMBRADE: no contedor amarelo botamos só os envases de plástico, as latas e os briks. E temos que estar atentos porque non todas as cousas de plástico van ó contedor. Non debemos botar xoguetes, electrodomésticos, discos, cueiros, nin utensilios de cociña ou louza. Tampouco se poden botar os envases de líquidos corrosivos como aceite de coches, nin os envases de medicamentos,  que deben depositarse nos Puntos Sigre que hai nas farmacias.