Chegou o Samaín!!

Ola peques e familias!! 

Esta semana ao entrar na biblio os/as peques atopáronse cunha sorpresa ben terrorífica!! 

As dúas plantas da biblio atopábanse decoradas desta temática!! 

Podías atoparte bichiños por calquera recuncho!! E voluntarios/as disfrazados toda a semana!!

 Tamén os estantes principais e as mesas se encheron de libros de SAMAÍN!! E as biblios das aulas!!

 Ata houbo contacontos e sesión de lectura a escuras!!

E chegado o gran día foi xenial ver a biblio chea de monstruíños e outros seres terroríficos!! Como triunfan os contos de Samaín!!

Despedímonos ata o próximo Samaín!!

E recordade que 

"UN DÍA SEN LER,

É UN DÍA PERDIDO". 

Apertiñas lectoras!!

Día das bibliotecas escolares!!

 Ola peques e familias!!

O 24 de outubro conmemórase o DÍA DAS NOSAS BIBLIOTECAS!! No noso cole é un recunchiño moi especial a onde o alumnado sempre quere volver e iso é  a maior motivación para seguir traballando e introducindo novidades!! Aquí teñen un lugar seguro e tranquilo onde a lectura lles traslada a vivir aventuras, aprender e disfrutar!! 

Pero tamén poden desenvolver a súa creatividade, a lóxica e o razoamento cos xogos ou a competencia dixital, entre outras moitas cousas!! A convivencia entre peques de diferentes idades que se axudan, se complementan e se divirten xuntos/as é outra marabilla da nosa biblioteca! Ademais, de que é preciosa e está moi actualizada, ben equipada e ten á mellor mascota do mundo mundial, a nosa Libria!!  Que afortunados/as somos!! 

Pero hoxe pode ser un bo día para visibilizar tamén un pouquiño do traballo que hai detrás. Horas e horas invisibles do equipo de biblioteca e dos/as voluntarios/as de sexto que cando comezan a colaborar se sorprenden!! 

É moi chulo escoitar os seus comentarios a este respecto e a súa disposición por axudar e facer todo máis sinxelo!! 

A biblio ofrece actividades que requiren moita preparación, como as que ofrecemos na planta de abaixo coa súa xestión de pases, comprobación de que os materiais estén a punto (afiar, repoñer cores gastadas, ordear lapiceiros...) e moito máis!! 

Pero tamén a posta a punto das mochilas ou maletíns viaxeiros antes de chegar ás aulas e as casas ou libro por libro dos espectáculos!!

Ou a decoración de espazos para sorprender e motivar!! E a selección de contos relacionados con cada momento ou conmemoración!!

A xestión do voluntariado tamén require de moitas reunións, reorganizacións e xestións!! Pero a verdade que é unha das actividades que máis merece a pena por todo!! 

Aínda que a maioría das horas se invirten na xestión dos fondos. Realízanse expurgos necesarios cada pouco, baixas, actualizacións, valoración de novidades interesantes coa súa correspondente catalogación e pegado de códigos... 

A parte estética tamén é importante e estamos pendentes dela día a día pero a grande reforma tivo lugar fai uns aniños cando, chegado o COVID, decidimos darlle unha gran volta!! Recordemos un pouquiño... 

Reorganizar, pintar, expurgar, medir, colocar... moitas horas que foron traducíndose en pequenos cambios e desembocaron nunha grande inauguración e que hoxe se ven reflexadas nun estupendo resultado!! 

GRAZAS a todas e cada unha das persoas que formastes e formades parte do EQUIPO DE BIBLIOTECA e a todas aquelas que doutras maneiras sempre estades dispostas a axudar!! 

VIVA A BIBLIOTECA DO CEIP TORRE ILLA!!

 Apertiñas lectoras!!

Apertura da biblio!!

  Ola peques e familias!! 

Chegou o día tan esperado!! 

Hoxe, xoves 1 de outubro, no mes das BIBLIOTECAS ESCOLARES, abriu a nosa e xa se formou unha boa fila para entrar!! 

Tiñamos moitas ganas de poder ir nos RECREOS e tamén de visitala semanalmente coas profes!! Por iso hoxe xa foi un éxito!!

O ordenador botou fume de tantos libros que se levaron en préstamo!! 

E foi marabilloso ver aos peques que non puideron esperar a chegar a casa e xa comezaron as súas lecturas no patio!!

Canto imos a ler para aprender, descubrir e vivir moitas aventuras a través dos libros!!

E recordade que: 

"UN DÍA SEN LER, 

É UN DÍA PERDIDO"

Apertiñas lectoras!!

Libria reparte unhas CARTAS moi especiais!!

 

Ola peques e familias!! 

Libria está preparando todo para poder realizar a APERTURA DA BIBLIOTECA moi prontiño!! 

Para iso, xa ten ao seu equipo de VOLUNTARIAS/OS DE SEXTO en formación!! Non podemos contarvos moito porque hai sorpresas pero si ensinarvos algunha fotiño dalgúns momentos de formación con Libria e as mestras do equipo de biblio... Aquí quedan!!

E o que si podemos contarvos é que o venres Libria e os CARTEIROS/AS DA BIBLIOTECA pasaron por todas as clases para entregar unhas CARTIÑAS moi especiais!! 

Libria sempre remata cheíña de agarimo!!

Aquí vos deixamos toda a información, xa estamos todos/as moi emocionados/as!! 

Como vedes, A BIBLIO ESTARÁ PREPARADA PARA ABRIR AS SÚAS PORTAS ESTE XOVES 1 DE OUTUBRO!! Pero aínda quedan cousiñas por ultimar!!

E antes de despedirme 

recordarvos que... 

"UN DÍA SEN LER, 

É UN DÍA PERDIDO". 

Apertiñas lectoras!!

Xornada de benvida ao ao alumnado de 1º EP!!

 Ola peques e familias!! 

Uns días máis tarde tocoulle a quenda ao alumnado de 1º de primaria!! LIBRIA e as súas axudantes abriron as portas da BIBLIOTECA do cole para recibilos!!

Foi unha xornada preciosa na que descubriron tooooooodos os recunchos da biblio, puideron encher a Libria de agarimo e descubrir todos os libros que poderán levar para a casa nos recreos e nas horas de biblioteca!! 

Incluso descubrimos que a biblio ten dúas plantas e a de abaixo está chea de XOGOS, material de ARTE e moitas cousiñas máis!!

Ademais Libria tiña preparados para eles/as dous agasallos: un debuxo da súa foto para colorear e unha pegatina!! Levaron tamén unha cartiña onde Libria lles conta en primicia que día abrirá a biblio para todo o cole!!

Encantoulles a visita e xa están desexando volver!!

E recordade que: 

"UN DÍA SEN LER, 

É UN DÍA PERDIDO"

Apertiñas lectoras!!