martes, 17 de diciembre de 2019

RECOMENDACIÓNS DE LECTURA PARA NADAL

PRIMEIROS LECTORES INFANTIL E 1º E 2º DE  PRIMARIA
¿Qué le pasa al planeta?
Eva Clemente
Ed. Emonautas
Este conto afonda na situación ambiental do noso planeta dende unha perspectiva divertida.
Se nos paramos a escoitar, entenderemos que a Terra está aqueixada de moitos síntomas: o quecemento global, a extinción de especies animais, a contaminación dos océanos, …
Que podería facer un neno para curala? E todas as familias do mundo xuntas?

Lo que escuchó mariquita.
Julia Donaldson
Ed. Fortuna
Dous ladróns e unha xoaniña nunha granxa ben divertida!
Os dous ladróns queren roubar a vaca da granxa, unha vaca que ven de gañar o premio “VACA BONITA”. Pero non saben que a criatura máis pequena e calada de todas tenlles preparado outro plan.

O señor Ramón e a señora Ramona
Beatriz Montero
OQO
¡RIC-RIC-RIC!…
Aquel ruído non paraba, e a señora Ramona colleu medo.. –Ramón…! Esperta, home!
O señor Ramón, por fin, abriu os ollos. –Que foi? –Anda alguén na cociña, Ramón!
Os dous levántanse da cama e camiñan cara á cociña. O son aumenta á vez que os seus medos, o que provoca que a súa imaxinación se dispare: Será un gato xigante? un crocodilo? unha serpe? ou quizais… un elefante?

ABEZOO
Carlos Reviejo
SM

Con este alfabeto de animais, os nenos descubrirán o mundo das letras e familiarizaranse coa poesía.

LECTORES AUTÓNOMOS: 3º E 4º DE EDUCACIÓN PRIMARIA

Atlas del Mundo.
Aleksandra Mizielinska
Maeva Ediciones
Este libro permitirache facer unha incrible viaxe polo mundo. Verás os géiseres islandeses, as caravanas do deserto do Sahara e as Cidades Maias de México. En Inglaterra pódese xogar ao cricket e en China probar os ovos centenarios. En Australia verás un platypus, en Finlandia a noite ártica e en Fiji bañaredes nunha das súas 200 illas. Descubre connosco os recunchos máis sorprendentes da Terra e goza da súa diversidade.
55 mapas de dúas páxinas de 46 países e 6 continentes. . Máis de 4.000 miniaturas de minutos, dende as montañas máis altas ata os máis pequenos insectos. Un libro marabilloso para viaxeiros inquedos. Boa viaxe!

Los traspiés de Alicia Paf.
Gianni Rodari
Ed. Anaya
Alicia Paf é pequena e sempre ten problemas, aínda que sempre sae das súas fantásticas aventuras. Non se estraña se cae nunha páxina chea de ilustracións e fala co lobo ou se cae no tinteiro ou se mete nunha burbulla de xabón e ten que ir a casa ... Con Alicia é fácil vivir un mundo cheo de fantasía e imaxinación.

28 historias para rir.
Ursula Wölfel
Kalandraka

Unha colección de ocorrencias baseadas no «nonsense» que debuxarán sorrisos e farán brotar gargalladas de xúbilo.

Cuentos para niños y niñas que quieren salvar el mundo.
Carola Benedetto
Ediciones B

Nunca se é demasiado novo para salvar o mundo. Esta é a mensaxe transmitida polos 16 contos deste libro. 16 vidas extraordinarias de persoas que loitan todos os días por salvar o medio ambiente.

LECTORES EXPERTOS: 5º E 6º DE EDUCACIÓN PRIMARIA

Una canción de muy lejos.
A.F. Harrold.
Blackie Books.
NICK ten un segredo. Unha canción misteriosa soa no soto da súa casa. É mellor que ninguén saiba de onde sae a música.
Todos os días na clase ve a FRANK, unha rapaza que tamén ten un segredo. Síntese só, pero non quere dicirllo a ninguén.
Unha tarde, Nick descubrirá o segredo de Frank. E ela o de Nick. Pero todos os segredos supoñen perigos: nese soto hai fiestras que contemplan outros mundos e seres que queren atravesalos. E só Nick e Frank poden detelos.

Retratos de animales.
Yago Partal.
Libros del Zorro Rojo.

Unha foca lucindo bombín, unha xirafa cun elegante fular, un oso negro americano con camiseta de rugby...
Setenta personaxes de animais, incluíndo algunhas das especies máis ameazadas do noso planeta, enfróntanse ao obxectivo deste único fotógrafo, Yago Partal, creador dun divertido xogo de humanización e moda, no que conviven arte, información e denuncia.

Poemar o mar.
Antonio García Teijeiro
Xerais.

Premio Nacional de Literatura Infantil e Xuvenil, 2017
"Poemar o mar" é un libro de poemas que forma parte da triloxía que se completa con "En la cuna del mar" e "Palabras do mar". Nestas tres obras o mar é o gran protagonista, un mar que ronca, que molla con poemas, que ten trenzas, que anda murcho, que chora por dentro e cala por fóra. Mares con ondas amarelas, con illas coma estrelas, mares de plumas que son de auga e mel, mares de tinta verde con barquiños de papel.

La historia de Greta.
Valentina Camerini.
Destino.
Foi unha mañá de agosto en Estocolmo que Greta Thunberg decidiu que xa non podía ignorar a situación do planeta: o cambio climático era moi preocupante e todo o mundo actuaba como se non fose o seu problema. A partir dese día, nada volveu a ser o mesmo. Greta comezou a facer folga todos os venres para chamar a atención das autoridades sobre o cambio climático. Greta inspirou todo un movemento que saíu á rúa para pedir medidas ambientais urxentes.
Úneste?

FAMILIAS

365 actividades para jugar sin pantallas en familia.
Zazu Navarro.
Montena.

Que a infancia pasa moito tempo coas pantallas é certo e que hai moitas alternativas, tamén o sabemos pero... Por onde comezamos a mirar? A falta de inspiración, este libro propón 365 actividades para xogar sen pantallas con toda a familia.
As ideas para gozar en diferentes espazos como o fogar, a cidade e a natureza, crean lazos emocionais positivos, reducen o estrés e acompañan desde a empatía, o amor e o respecto.

Creciendo juntos: de la infancia a la adolescencia con cariño y respeto.
Carlos González.
Espasa.

“Cada vez que un neno nace, un pai e unha nai tamén nacen. E a partir de aí medramos xuntos en sabedoría e virtude”. Así comeza o novo libro de Carlos González, un traballo no que o seu autor se centra por primeira vez en criar e coidar aos nenos que xa pasaron o primeiro. Infancia.

A cidade dos nenos.
Francesco Tonucci
Kalandraka
Son moitas as cidades europeas e latinoamericanas que xa se sumaron ao novo xeito de pensar a cidade proposto por Tonucci, entre elas, Pontevedra. Porque unha cidade á medida da infancia redunda nunha maior calidade de vida para todos.

viernes, 13 de diciembre de 2019

NOVO RINCÓN NA BIBLIOTECA

 Na biblioteca estreamos estes días un novo espazo para a lectura informal.
 E semella que ten moito éxito entre o alumnado de Infantil e Primaria.
 Xa podedes pasar a gozar das lecturas no novo rincón de Libria.
Porque un día sen ler é un día perdido.



martes, 5 de noviembre de 2019

AS MOCHILAS VIAXEIRAS INICIAN A VIAXE



As "MOCHILAS VIAXEIRAS" saíron da biblioteca cargadas de moitas sorpresas e libros para descubrir en familia, e están desexando chegar ás vosas casas. Libria, cos carteiros da biblio, foron os encargados de achegar a primeiro as súas mochilas. Menuda sorpresa que levaron ó ver entrar á mascota da biblioteca nas aulas. Agardamos que vos gusten. Boa Viaxe!





miércoles, 23 de octubre de 2019

VISITA DE LIBRIA

 Libria visitou por sorpresa ó alumnado de Educación Infantil e Educación Primaria, e recibíronna con moita ilusión.
  Coñeceu ó novo alumnado, e a repartíu os carnets da biblioteca.
 Lembrou as normas da biblioteca, e o xeito de facer o empréstito para a casa dos fondos.
 E despedíuse con moito agarimo ata a próxima visita.
 Xa estamos desexando que volva. 
Ata pronto!!!!

jueves, 16 de mayo de 2019

MARCAPÁXINAS SOLIDARIOS

A semana pasada Libria visitou as aulas de Educación Infantil e Educación Primaria.
Trouxo unha nova que deixou a todo o alumnado moi contento.

A actividade proposta na Semana do Libro en colaboración coa ONG Save the Children foi todo un éxito.
Recaudáronse 1238.86 Euros.
A solidariedade, compromiso e creatividade do alumnado permitirá que miles de nenos e nenas vítimas de conflictos armados podian ir ó colexio.
E así o acredita o diploma que o alumnado recibíu da man de Libria e dos carteiros da biblioteca.
Grazas!!!!

viernes, 26 de abril de 2019

SEMANA DO LIBRO 2019

 Esta semana conmemoramos a "Semana do libro," do 23 ó 26 de abril, enchendo as "Horas de Ler" e as aulas de actividades moi variadas arredor da lectura. Por cada préstamo, os axudantes da biblio agasallaron con pegatinas e marcapáxinas.

Os "marcapáxinas solidarios" xa están nas casas de todo o alumnado grazas a entrega dos materiais que fixeron os carteiros da biblio, que tamén explicaron a actividade.
E todos mans á obra, que estamos desexando aportar a nosa axuda para garantir o dereito á educación dos nenos e nenas vítimas de conflictos armados. 
E gozar dos mellores libros cos marcapáxinas do alumnado.

lunes, 8 de abril de 2019

DÍA DA MULLER

O 8 de marzo conmemoramos o Día da Muller. Cada curso escolleu unha muller relevante na sociedade, coñecendo a sua figura e a contribución  ás artes, ó deporte, ás ciencias... Coas imaxes elaboramos un mural que podedes atopar no corredor da entrada principal.
A escolma que o equipo de biblioteca fixo para a conmemoración axudou a desenvolver a actividade.Lembrade que podedes consultar os fondos na biblioteca.


viernes, 22 de marzo de 2019

SEMANA DA PRENSA NA ESCOLA

Entre o 11 e o 15 de marzo conmemoramos a Semana da Prensa na Escola. Unha iniciativa marcada no calendario escolar que fai da prensa un elemento pedagóxico máis, fomentando a súa lectura e desenvolvendo así o sentido crítico do alumnado.

A biblioteca do cole encheuse de actividades, xornais (nacionais e internacionais) e revistas para o traballo nas aulas e durante os recreos.

 Uns carteiros moi especiais percorreron as aulas deixando lotes de revistas e xornais para as "Horas de Ler" e as diferentes actividades dos cursos.

 E tamén comezamos co préstamo de revistas. Busca aquelas que están sinaladas cun punto verde e poderás levalas un tempo para a casa.

martes, 26 de febrero de 2019

DÍA DE ROSALÍA

O 24 de febreiro, fixado no Calendario do Libro e da Lectura como aniversario do nacemento de Rosalía de Castro, o alumnado de todos os niveis traballou arredor da autora.
E logo saíron pola Illa de Arousa deixando poemas de Rosalía por moitos lugares diferentes: A Galiña Azul, o concello, tendas, ambulatorio...
 A escolma do equipo de biblioteca axudou a desenvolver as tarefas, e podedes vela na biblioteca.
E como este curso estamos coñecendo máis da ilustración, temos no corredor principal a exposición "Ilustrando a Rosalía". Non deixedes de visitala!