A biblioteca galáctica contra a IA fantástica!!

Ola peques e familias!! 

Libria este curso comezou a celebración do MES DO LIBRO a última semana do trimestre!! Despois de ler todo o cole o libro que nos agasallou "A BIBLIOTECA GALÁCTICA CONTRA A INTELIXENCIA ARTIFICIAL FANTÁSTICA" estabamos preparados para asistir ao GRAN ESPECTÁCULO!! 

Pero xa anunciara que tiña unha SORPRESA antes de marchar e así foi!! Visitounos o autor do conto CARLOS LABRAÑA!!

 Quedamos alucinados/as!! El asinou os libros e fixo fotos con todo o cole!! Foi unha visita estupenda!! Aquí quedan algunha fotiños de grupo que lle chegaron a Libria!! 

Despois disto chegaba o GRAN MOMENTO de poñer camiño para o AUDITORIO DA ILLA DE AROUSA todo o alumnado e profesorado do cole!! 

Alí nos esperaba o GRUPO DE TEATRO TANXARINA co seu gran espectáculo!! 

Que ben o pasamos!! Encantounos!! Cantamos, bailamos e descubrimos diferentes maneiras de facer teatro!! 

Tamén nos levamos unha ensinanza final!! A intelixencia artificial é positiva sempre que se lle dé bo uso pero: 

"SE ES LISTO,

E QUERES SER XENIAL.

PROBA A LER UN LIBRO:

E NUN CHIS-CHÁS

CÁMBIACHE O CONTO!!

A INTELIXENCIA NATURAL

O CEREBELO MÁIS XENIAL!!

CO-CO-RO-CÓ!!!

CO-CO-RO-CÓ!!!"

Ou como diría Libria: 

"UN DÍA SEN LER, 

É UN DÍA PERDIDO".

Dende aquí o noso agradecemento ao Concello da Illa de Arousa por facelo posible, á editorial Galaxia, ao autor Carlos Labraña e a Tanxarina pola súa boa disposición e a Libria e todo o profesorado pola súa implicación!!

Apertiñas lectoras!!

Visita de Andrea Maceiras!!

 Ola peques e familias!!
Como vos adiantamos na entrada anterior, en quinto de primaria levamos unhas semanas lendo o libro "A FOLLA AZUL" da escritora Andrea Maceiras. 

O libro conta unha historia impresionante que nos encantou e nos inspirou a facer CARTEIS de motivación á lectura do mesmo!! 

Días máis tarde, Libria comunicounos unha GRAN SORPRESA!!! A autora viría a visitarnos!! Un curso máis, volviamos a abrir as portas da biblio para recibila cos brazos abertos! Non tardamos nada en poñernos de novo mans á obra na elaboración de CARTEIS para anunciar a súa visita!! 

Tamén lle preparamos un agasallo conxunto das dúas aulas precioso!! Aquí unha mostra!!

E o día chegou!! Estabamos emocionadísimos/as!! 

No encontro contounos en que se inspirou para escribir esta preciosa historia e respondeu a todas as nosas preguntas!! 

Ademais asinou todos os libros cun precioso cuño, unha adicatoria e a súa sinatura!!

 Quedamos alucinados e moi agradecidos/as!! 

E así o contamos no noso INFORMATIVO SEMANAL!!

RADIO CARCAMÁN

 Moitas grazas pola túa visita!! Esperamos contar contigo o próximo curso!! 

E recordade que: 

"UN DÍA SEN LER, 

É UN DÍA PERDIDO". 

E se queredes unha boa lectura... "A FOLLA AZUL" ou calquera dos libros de Andrea Maceiras son sempre unha boa opción!!

 Apertiñas lectoras!!

Gran semana para quinto de primaria!!

 Ola peques e familias!! 

Esta semana xuntáronse moitas emocións para os nenos e nenas de quinto de primaria!! Levan semanas disfrutando da lectura dun libro que lles encantou!! Trátase de: "A FOLLA AZUL" da autora ANDREA MACEIRAS. 

Pero a gran nova estaba por chegar e por fin podemos contala!! Libria anuncioulles que terán un encontro coa autora o próximo MARTES DÍA 1 DE ABRIL!! Poderán escoitar a historia na que se basea o libro, ter un momento de conversa e preguntas e a sorte de que ela mesma lles asine o libro!! Vaia mañá de emocións lles espera!! 

Pero tamén... á autora!! Xa que vai a alucinar cos carteis que as nenas e nenos realizaron para anunciar a súa visita e motivar á lectura do seu libro!! Aquí os primeiros recén saídos do forno que xa locen nas paredes do cole!! 

Prontiño vos poderemos mostrar todos!! A emoción é tan grande que hoxe incluíron a nova no seu informativo semanal!! Escoitade a estes expertos/as locutores/as!! 

RADIO CARCAMÁN

Ademais, tiveron outra SORPRESIÑA!! Libria xa anda na busca de VOLUNTARIOS/AS para realizar a formación no terceiro trimestre!! A gran maioría xa se anotaron!! Non podemos ter mellor nova para rematar a semana!! Seguiremos informando!! 

E antes de marchar...

recordade que 

"UN DÍA SEN LER, 

É UN DÍA PERDIDO". 

Apertiñas lectoras!!

Visita da escritora Sabela Núñez Singala!!

Ola peques e familias!! 

O pasado venres as nenas e nenos de sexto recibiron, un curso máis, a xa TRADICIONAL visita da escritora SABELA NÚÑEZ SINGALA, autora do libro titulado: "O AGASALLO DE ANYA", incluído nos nosos ITINERARIOS LECTORES!!  

Libria estaba moi emocionada pola visita pero tamén porque era a primeira vez que se facía unha actividade na renovada planta de abaixo da biblioteca!! Así que preparamos o espazo, despregamos a pantalla e...esperamos impacientes a súa chegada!! 

O alumnado de sexto levaba días preparando unha ENTREVISTA para realizarlle en RADIO CARCAMÁN, así que iso foi o primeiro!! 

Podedes vela enteira no seguinte enlace:

TV CARCAMÁN

Despois tivo un encontro coas dúas aulas de sexto na BIBLIOTECA!!

Encántanos ver como cada ano Xiana e Libria se fan máis amigas!!

E antes de marchar asinoulles os libros!! 

Non podía marchar sen un agasalliño!!

Moitísimas grazas por todo un curso máis Sabela!! Foi un pracer escoitarte!! 

E recordade que 

"UN DÍA SEN LER, 

É UN DÍA PERDIDO".

Apertiñas lectoras!!