Día das bibliotecas escolares algo terrorífico!!

 Ola peques e familias!! 

Neste día tan especial para as nosas bibliotecas houbo moitas sorpresas!! 

"O lema deste ano, "Tecendo Comunidades", pretende destacar o papel fundamental que desempeñan as bibliotecas na construción de lazos fortes dentro das nosas comunidades. Estas institucións son centros de conexión e aprendizaxe, onde as historias, as experiencias e os coñecementos son os fíos que unen aos cidadáns".

 

As bibliotecas escolares galegas amosáronse, e continúan facéndoo, como unha ferramenta ao servizo da comunidade educativa ofrecendo recursos, información e apoio. Cómpre reivindicalo e celebrar que son xanelas para ler, espazos onde aprender, lugares para descubrir, para encontrarse e convivir. A rede de bibliotecas escolares de Galicia leva moitos anos tecendo espazos de encontro nos que compartir experiencias e recursos, nos que conectar coa comunidade próxima ou a máis afastada, lugares que contribúen á formación dunha cidadanía crítica, activa e comprometida.

 

A biblioteca escolar, esa biblioteca pola que pasan todas as nenas e todos os nenos do país, a primeira biblioteca que lles aprende, tamén, a usar outras, que os pon en contacto con eses outros espazos do coñecemento e do lecer, eses lugares nos que pasan moitas cousas, que son as bibliotecas públicas, eses lugares que están sempre ao noso carón: as BIBLIOTECAS. 

Unha delas foi a entrega de MARCAPÁXINAS diferentes de agasallo con cada un dos préstamos desta semana!! Aquí unha mostra:

Pero ademais... parece que o SAMAÍN tamén está chegando a este recuncho do cole!! 

Libria tamén se animou a caracterizarse... e que vos parece o amiguiño que nos acompañará estas semanas??

E o máis importante, este día ven acompañado de moitas RECOMENDACIÓNS LECTORAS!! Aquí van algunhas que xa temos nos expositores!!

Feliz Samaín lector!!