Achégase o Nadal...

Ola peques e familias!! 

Coa próxima chegada do Nadal Libria xa está argallando cousiñas!! 

Coma sempre, está seleccionando 

 RECOMENDACIÓNS LECTORAS 

interesantes para que todas as cartas aos Reis Magos leven polo menos un CONTIÑO!! Sería marabilloso!! Un adianto da preciosa portada...

E tamén, comezou xa coa tradicional decoración e luces do Nadal!! 

Pero... parece que este ano algo máis está pasando!! Algunhas visitas inesperadas?? Estade ben atentos/as que nas seguintes fotos xa hai algunha pistiña!! 

E unha vez máis recórdavos que...  

"UN DÍA SEN LER, 

É UN DÍA PERDIDO". 

Apertiñas lectoras!!

Apadriñamentos lectores!!

Ola peques e familias!! 

O día das Bibliotecas Escolares demos comezo a esta preciosa actividade que nos acompañará durante todo o curso!! 

Nos seguintes días continuaron as presentacións dos demais grupos e chegaron a Libria algunhas fotos estupendas que reflexan os vínculos e momentos tan bonitos que se crean entre o alumnado de diferentes idades!! 

Primeiro sempre nos presentamos e despois deixamos que xurda a MAXIA LECTORA!!

 Incluso con momentos en que os/as peques collen as rendas da actividade e se lanzan a lerlle aos maiores!!

Algúns grupos ata se acompañaron noutro tipo de actividades!! Podemos velo no seguinte enlace:

BLOG DE 6ºB

E isto non fixo máis que comezar!! Iremos compartindo con vós algunha cousiña máis que aconteza no seo desta actividade!! 

VIVAN OS APADRIÑAMENTOS LECTORES!!

E recordade que... 

"UN DÍA SEN LER, 

É UN DÍA PERDIDO". 

Apertiñas lectoras!!

Chegou o Samaín á biblio!!

Ola peques e familias!! 

Esta semana ao entrar na biblio os/as peques atopáronse cunha sorpresa ben terrorífica!! 

As dúas plantas da biblio atopábanse decoradas desta temática!! 

Ata Libria e os/as voluntarios/as!!

 Tamén os estantes principais se encheron de libros de SAMAÍN!! E as biblios de aula!!

 Ademais diso as/os voluntarias/os de sexto levan varios días preparando CONTACONTOS DE SAMAÍN que esta semana compartiron co alumnado nos recreos!! Vaia semana tan terroríficamente emocionante!! 

GRAZAS a estes/as marabillosos/as voluntarios/as!! E chegado o gran día foi xenial ver a biblio chea de monstruíños e outros seres terroríficos!! Como triunfan os contos de Samaín!!

E recordade que 

"UN DÍA SEN LER,

É UN DÍA PERDIDO". 

Apertiñas lectoras!!

Día das Bibliotecas Escolares!!

Ola peques e familias!! 

O día 24 de outubro conmemórase este gran día para as bibliotecas!! Este ano cun lema ben importante:

Como todos os cursos, Libria aproveita esta celebración para poñer en marcha unha das actividades estrela... "OS APADRIÑAMENTOS/AMADRIÑAMENTOS LECTORES"!! 

As/os carteiras/os da biblio visitáronnos para entregarnos unha carta na que nos presentan esta actividade tan chula!!

Sempre nos encanta baixar á biblioteca a descubrir cal será a aula coa que compartiremos moitas AVENTURAS LECTORAS!! Ensinámosvos a primeira xuntanza de presentación!! 

Pero pronto haberá máis momentos compartidos que deixarán máis preciosas imaxes!!

E recordade que... 

"UN DÍA SEN LER, 

É UN DÍA PERDIDO". 

Apertiñas lectoras!!

Paula Carballeira visita o noso cole!!

Ola peques e familias!! 

Pechando estes días de sesións de CONTACONTOS non se nos ocorre mellor remate que coa visita da marabillosa ESCRITORA, ACTRIZ E CONTACONTOS... 

PAULA CARBALLEIRA!! 

Os compañeiros/as de sexto voluntarios/as da biblioteca deseñaron estes carteis fai unhas semaniñas para anunciar esta actividade onde podedes coñecer todos os datos da mesma!! 




Así que chegado o gran día recibímola moi emocionados/as!! 

Ela é amante dos contos por iso os prepara con moito agarimo con varios rituais!!



 Tivemos contos de paxaros, bruxas e outras personaxes moi encamiñados á preparación do Samaín!! E viaxamos a outros lugares como África!! Rímonos moitísimo, participamos durante toda a actividade activamente e...ata cantamos!!




 Pero tamén aprendemos moito, por exemplo, que "NON TODO SE VENDE"!!

Antes de marchar, fixemos con ela unha foto de grupo, asinounos varios libros e o caderno de visitas cunha adicatoria preciosa!! 

Pero non podiamos deixala marchar sen que asinara os carteis que o alumnado de sexto fixo con tanta ilusión e que a puideran coñecer!! 

Grazas Paula pola túa boa disposición e polo gran contacontos!! Tamén ao Concello da Illa de Arousa, en especial a Manuel, por esta oportunidade!! Estes días nos expositores teremos todos os libros dela!! 

Algún xa está camiño dalgunha casiña!!

E sabedes que? Esta actividade saíu na prensa cun dos nosos carteis!! Aquí o enlace!!

NOVA DO XORNAL

E recordade que 

"UN DÍA SEN LER, 

É UN DÍA PERDIDO". 

Apertiñas lectoras!!