A semana pasada tivemos
unha sorpresa do máis divertida, Eva Mejuto visitounos e trouxo con ela o seu
libro: Dez Gatiñas Viaxeiras!!
Pero...de que nos
soa esta escritora?? Claroooo, é a autora de títulos tan coñecidos por todos nós
como son...
Eva contounos o motivo
que a levou a escribir este conto e ademais axudounos a crear historias, incluso
nos propuxo un reto...facer a segunda parte do libro!!
Agradecémoslle moito
que nos firmara tódolos exemplares que temos dos seus libros na biblio do cole.😊 PASÁMOLO
XENIAL, VOLVE CANDO QUEIRAS!!
E aproveitando
que mañá é o DÍA DAS LETRAS GALEGAS a autora deixounos o enlace para acceder á
obra de teatro que escribiu adicada ao noso homenaxeado deste ano FRANCISCO
FERNÁNDEZ DEL RIEGO, esperemos que vos guste!!
https://primaveradasletras.gal/
E recordade que: "UN DÍA SEN LER E ESCRIBIR, É UN DÍA PERDIDO"
O pasado xoves
@axaneladomaxin sorprendeu ao alumnado de infantil e primeiro ciclo cun conto
orixinal sobre as 4R: REDUCIR, REUTILIZAR, RECICLAR E RECUPERAR.
Pero non foi tan
doado como parecía porque ao comezo a nosa contacontos presentounos 4 caixas de
4 cores diferentes e tivemos que axudala a decidir cal escoller 👉
Comezamos pola
caixa azul que escondía a un home misterioso que gastaba demasiada auga
regando sempre á mesma flor...💧
Continuamos coa
caixa amarela que foi a que máis nos marabillou xa que apareceu un pequeno
robot feito todo CON MATERIAL RECICLADO!!
A seguinte caixa
foi a vermella...que mal a xente que bota os plásticos ao lume contamina
demasiado o aire que respiramos...como podemos facer para recuperalo? Entre
todos e todas demos moitas solucións 😊
E por último
tocou a caixa verde, que escondía 4 pequenos contedores, pero…que raro!!para
que serve o vermello?? A ver si conseguimos descubrilo...😏
E así foi como, ademais
de recordar todo o que podemos facer para poñer en práctica a regra das 4R
coñecemos dunha maneira divertida os 4 elementos que compoñen a natureza: auga,
aire, lume e terra 👏
E recordade que: "UN DÍA SEN LER E ESCRIBIR, É UN DÍA PERDIDO"
“Un día
espertei de madrugada e no meu maxín comezaron a xurdir versos
preciosos sobre a ESCRITURA e iso non é todo!! Parecía que tamén tiñan ritmo!!
Estábao escoitando como se soasen gaitas na miña habitación!! Non quixen deixar
pasar esa ocasión e levanteime para ESCRIBIR todo o que na miña cabeza ía
aparecendo...”
Así é como Libria
decidiu escribir a canción que cada día soa no timbre do cole e que é o himno
do noso proxecto: “Dálle ao lapis, Carcamán”!!
Hai uns días que
xa adiantábamos cal ía ser o reto pero agora chegou o día de presentar estes marabillosos
traballos que fixeron, con tanto agarimo, os nosos nenos e nenas do cole!!
Aínda que antes
de desvelar o traballo final imos presentar toda a canción por si alguén se atreve
a cantar con nós 😊
DÁLLE AO LAPIS, CARCAMÁN.
Dálle ao lapis, Carcamán,
o maxín deixa voar,
no papel deixa que pouse
e un mundo has inventar.
Lailará-lalala-la,
lailará-larala-la
lailará-lalailarala
dálle ao lapis, Carcamán!
Dálle ao lapis, Carcamá,
coas palabras has xogar,
coa ledicia, medos, risas,
contos, cantos vas crear.
Lailará-lalala-la,
lailará-larala-la
lailará-lalailarala
dálle ao lapis, Carcamá!
Dálle ao lapis, Carcamán,
que o escrito ha perdurar
e os días no Torre Illa
para sempre vas lembrar.
Lailará-lalala-la,
lailará-larala-la
lailará-lalailarala
dálle ao lapis, Carcamán!
E agora si que
non vos fago esperar máis e aquí tendes o resultado do reto que consistía en
escribir ben bonito e ilustrar cada verso da canción 😉!!
E recordade que: "Un día sen ler e escribir, é un día perdido"!!
O pasado venres
todo o cole saíu ao patio na hora de lectura para conmemorar o Día do Libro.
A canción,
composta por Libria, é o himno que fai honra este ano ao noso proxecto de
centro e do que levamos falando estes últimos meses: “DALLE AO LAPIS,
CARCAMÁN!!”
Aquí deixamos unha
proba gráfica do ben que o fixemos...💃
E...falando de
canción, comeza outro novo reto!!
Esta vez todo o
alumnado do cole terá que ilustrar cada verso ou o retrouso que compón a nosa canción.
Para que a cada
curso lle fose máis fácil entender as normas, Libria mandou unha carta
personalizada a cada grupo.
Esperamos poder
colgar moi pronto o resultado😁
Libria ten ben
merecida esa onda que lle dedicaron algún nenos e nenas do cole😍
E recordade que..."UN DÍA SEN LER E ESCRIBIR, É UN DÍA PERDIDO"
O PASADO XOVES TODO O COLE FOMOS CAMIÑANDO ATA O AUDITORIO... ALÍ O GRUPO LONTREIRA TÍÑANOS PREPARADO UN GRAN CONCERTO, FÍXONOS CANTAR E BAILAR, QUE BEN O PASAMOS 😍!!
SE QUEREDES VER COMO O DESFRUTAMOS SÓ TENDES QUE PREMER NO SEGUINTE VÍDEO, ESPERAMOS QUE VOS GUSTE TANTO COMO A NÓS 😁!!
NESTA VIAXE POLAS LETRAS COMPOSTAS POR LONTREIRA DESCUBRIMOS QUE PARA COMPOÑER UNHA CANCIÓN FAI FALTA ESCRIBIR MOITO, POR ISO NÓS IMOS CONTINUAR CO NOSO PROXECTO DE "DALLE AO LAPIS, CARCAMÁN"
RECORDADE QUE..."UN DÍA SEN LER E SEN ESCRIBIR, É UN DÍA PERDIDO"
.jpg)
.jpg)
.jpg)
.jpg)
.jpg)
.jpg)
.jpg)
