A IMPORTANCIA DE LER

O alumnado de 6º B fixo, hai xa uns meses, un extraordinario programa en "RADIO CARCAMÄN".  Nel, o alumnado expón os motivos polos que é importante ler. Hoxe rescatamos este programa para non esquecer que  a lectura é un dos pasatempos máis recomendables.PROGRAMA DE RADIO: A IMPORTANCIA DE LER, 6ºB

UNHA VISITA INESPERADA

Non sabemos se o recente Día da Paz tivo algo que ver, xa sabedes que as pombas son un símbolo de paz. O certo é que o outro día unha pomba entrou na biblioteca a axexar. E sabedes onde foi a pousarse? Pois sí, en Libria, que estivo encantada de recibir a esta nova amiga.

OUTUBRO, MES DAS BIBLIOTECAS

O 24 de outubro festexaremos o "Día da Biblioteca", e a " Asociación Internacional de Bibliotecas Escolares"propuxo adicarlle ás Bibliotecas Escolares todo o mes de outubro. Por iso estes días o alumnado de Educación Infantil e primeiro de Educación Primaria estivo de visita pola biblioteca do cole e a biblioteca municipal. Aprenderon a desenvolverse nelas, e a sacarlle todo o partido mediante o préstamo dos fondos e as diferentes posibilidades que ofrece: libros, xogos, películas, ordenadores...

SEMANA DO LIBRO 2015

Con motivo da celebración do Día do Libro, estamos a organizar no colexio distintas actividades, entre as que destacan as seguintes:

• HORA DE LER: despois do éxito do curso pasado, dende setembro, e durante 20 minutos despois do recreo, no colexio non se escoita nada, estamos todos a ler!

• VISITA DE IGNACIO VILARIÑO: o luns 20, o escritor, actor, contacontos, guionista... Ignacio Vilariño, autor do libro Fábula Galénica visitou aos nenos e nenas de Educación Primaria.

• INTERCAMBIOS LECTORES ENTRE AULAS: o martes 21, un ou dous representantes de cada aula agasallarán cunha lectura aos compañeiros/as de cursos inferiores.

• APADRIÑAMENTOS LECTORES: o mércores 22, os alumnos/as de 3º e 5º de Educación Primaria apadriñarán aos nenos/as de Educación Infantil e 1º de Educación Primaria, respectivamente, aos que lerán individualmente un conto.

• TEATRO PAN DE MILLO: o xoves 23 disfrutaremos iremos ao Auditorio do concello para disfrutar en directo coas cancións da compañía de teatro Migallas e o seu espectáculo Merenda con Pan de millo.

• KAMISHIBAI: O xoves 23 de abril contaremos coa visita do alumnado do IES Illa de Arousa, que organizará unha actividade deKamishibai ("teatro de papel") para o alumnado de 4º, 5º e 6º de Educación Primaria.

• CARAPUCHIÑA VERMELLA: O venres 24, os alumnos de 1º B presentarán aos seus compañeiros de 1º A e 1º C unha adaptación do conto Carapuchiña Vermella.

• VISITA DE LIBRIA: o venres 24, Libria, a mascota da nosa biblioteca, visitará aos nenos e nenas de Educación Infantil.

• CONTACONTOS: o luns 27 de abril o contacontos galego Anxo Moure visitará ao alumnado de Educación Infantil co seu conto A xacia Luviñas.

• MUSICONTOS: o luns 27 a Banda de Música de Vilagarcíavisitará o centro para presentar o Musiconto "O príncipe Lino no reino de Azeleb"e recordarnos a importancia da reciclaxe.

Polos corredores do centro e nas aulas tamén quedarán pegadas da celebración deste día...

PRIMEIRAS VISITAS NA BIBLIOTECA

Os nenos e nenas de primeiro están  estes días descubrindo a biblioteca do cole e as súas posibilidades: Cómo levar un libro prestado para a casa, onde están os DVD´s, os cómics, os libros de inglés, cómo utilizar os ordenadores e os xogos e, claro está, á nosa mascota Libria, que lle lembrou as normas da biblioteca.

E parece que lles gustou moito!

AXUDANTES DE BIBLIOTECA

Se precisades axuda cando veñades á biblioteca, e os profes andan moi liados co préstamo e devolución de libros, lembrade que podedes preguntarlle ás nosas axudantes. Cada día serán diferentes as nenas e nenos que axuden na biblioteca, pero os atoparedes pola identificación que levan colgada do pescozo. Podedes consultarlle como atopar o libro que andades procurando ou tamén para que vos axuden a deixalo na estantería axeitada.