Fin de curso!!

Ola peques e familias!! 

Chegou o fin de curso e as últimas semanas  foron moi intensas e emotivas!! Na despedida do curso adoitamos centrar moito a nosa atención no alumnado de sexto, que foi moi importante para o funcionamento da nosa biblio e ao que ademais toca despedir!!

Para comezar, como todos os cursos, reunimos aos VOLUNTARI@S DE SEXTO que colaboraron e fixeron un gran traballo na biblio para darlles un detalliño!! Ademais, ía cunha mensaxe moi especial!! 

MOITÍSIMAS GRAZAS POLA VOSA AXUDA, DISPOSICIÓN E ILUSIÓN SEMPRE!!

 Desexamos que continuedes colaborando coa biblio do insti e que teñades moita sorte nesta nova etapa!!

Continuando desta vez con todo o alumnado de sexto, tamén preparamos a visita á BIBLIO DO IES onde os recibiron @s antig@s alumn@s do noso centro!! 

Ademais, preparamos para o DÍA DA SÚA GRADUACIÓN o xa tradicional PHOTOCALL, onde poden facerse unhas fotos moi chulas de recordo coas súas familias e mestr@s!!

 Parece que realmente lles gustou moito!! Alegrámonos!! Aquí vos deixamos algunha foto que nos chegou!! 

E non podiamos despedir o curso sen mostrarvos o PRODUTO FINAL do proxecto deste curso: "AROUSA EN TRADICIÓN"!! Pinchade no seguinte enlace e buscade o apartadiño da biblioteca para ver as nosas aportacións!!

PRODUTO FINAL CEIP TORRE ILLA

 Aquí o vídeo:

E así despedimos o curso coa intención de cargar pilas para que o seguinte chegue cargadiño de actividades e sorpresas!! Algunhas xa en proceso...

E recordade que en verán tamén... 

"UN DÍA SEN LER, 

É UN DÍA PERDIDO"!! 

Para iso Libria quere axudarvos a escoller ben coas RECOMENDACIÓNS LECTORAS 

da entrada anterior!! 

Apertiñas lectoras!!

Comeza a formación do voluntariado de quinto!!

Ola peques e familias!! 

A biblio non para neste último trimestre!! A primeira novidade foi que comezou a FORMACIÓN DOS/AS VOLUNTARIOS/AS DE QUINTO como xa eles/as mesmos/as anunciaron fai unhas semaniñas no seu INFORMATIVO.  Nótase que tiñan ganiñas!! 

 RADIO CARCAMÁN

Collerán o relevo o curso que vén aos seus compis de sexto!! Estes últimos son os que, xunto coas mestras, os están formando!! FORMAN UN GRAN EQUIPO!! 

Será un trimestre de convivencia entre as dúas aulas de quinto e, tamén, coas de sexto. É marabilloso velos traballar xuntos/as!! 

E recordade que: 

"UN DÍA SEN LER, 

É UN DÍA PERDIDO". 

Apertiñas lectoras!!

Gran semana para quinto de primaria!!

 Ola peques e familias!! 

Esta semana xuntáronse moitas emocións para os nenos e nenas de quinto de primaria!! Levan semanas disfrutando da lectura dun libro que lles encantou!! Trátase de: "A FOLLA AZUL" da autora ANDREA MACEIRAS. 

Pero a gran nova estaba por chegar e por fin podemos contala!! Libria anuncioulles que terán un encontro coa autora o próximo MARTES DÍA 1 DE ABRIL!! Poderán escoitar a historia na que se basea o libro, ter un momento de conversa e preguntas e a sorte de que ela mesma lles asine o libro!! Vaia mañá de emocións lles espera!! 

Pero tamén... á autora!! Xa que vai a alucinar cos carteis que as nenas e nenos realizaron para anunciar a súa visita e motivar á lectura do seu libro!! Aquí os primeiros recén saídos do forno que xa locen nas paredes do cole!! 

Prontiño vos poderemos mostrar todos!! A emoción é tan grande que hoxe incluíron a nova no seu informativo semanal!! Escoitade a estes expertos/as locutores/as!! 

RADIO CARCAMÁN

Ademais, tiveron outra SORPRESIÑA!! Libria xa anda na busca de VOLUNTARIOS/AS para realizar a formación no terceiro trimestre!! A gran maioría xa se anotaron!! Non podemos ter mellor nova para rematar a semana!! Seguiremos informando!! 

E antes de marchar...

recordade que 

"UN DÍA SEN LER, 

É UN DÍA PERDIDO". 

Apertiñas lectoras!!