Paula Carballeira visita o noso cole!!

Ola peques e familias!! 

Pechando estes días de sesións de CONTACONTOS non se nos ocorre mellor remate que coa visita da marabillosa ESCRITORA, ACTRIZ E CONTACONTOS... 

PAULA CARBALLEIRA!! 

Os compañeiros/as de sexto voluntarios/as da biblioteca deseñaron estes carteis fai unhas semaniñas para anunciar esta actividade onde podedes coñecer todos os datos da mesma!! 




Así que chegado o gran día recibímola moi emocionados/as!! 

Ela é amante dos contos por iso os prepara con moito agarimo con varios rituais!!



 Tivemos contos de paxaros, bruxas e outras personaxes moi encamiñados á preparación do Samaín!! E viaxamos a outros lugares como África!! Rímonos moitísimo, participamos durante toda a actividade activamente e...ata cantamos!!




 Pero tamén aprendemos moito, por exemplo, que "NON TODO SE VENDE"!!

Antes de marchar, fixemos con ela unha foto de grupo, asinounos varios libros e o caderno de visitas cunha adicatoria preciosa!! 

Pero non podiamos deixala marchar sen que asinara os carteis que o alumnado de sexto fixo con tanta ilusión e que a puideran coñecer!! 

Grazas Paula pola túa boa disposición e polo gran contacontos!! Tamén ao Concello da Illa de Arousa, en especial a Manuel, por esta oportunidade!! Estes días nos expositores teremos todos os libros dela!! 

Algún xa está camiño dalgunha casiña!!

E sabedes que? Esta actividade saíu na prensa cun dos nosos carteis!! Aquí o enlace!!

NOVA DO XORNAL

E recordade que 

"UN DÍA SEN LER, 

É UN DÍA PERDIDO". 

Apertiñas lectoras!!

Un novo contacontos pola igualdade!!

Ola peques e familias!! 

Esta semana tivemos a gran sorte de recibir no colexio un CONTACONTOS da man do gran CAXOTO!! 

O título era: "Contos vellos, novos finais", no que se mesturaban os contos tradicionais cuns cambios en prol da igualdade nos mesmos xunto con MOOOOOOITO HUMOR e cancións!!

 Antes de marchar, deixounos unha adicatoria no CADERNO DE VISITAS da bilioteca!! 

Foi unha xornada marabillosa!! Pero isto non remata aquí, xa que mañá o alumnado de 1º e 2º gozará dun novo CONTACONTOS NA BIBLIOTECA coa grandísima PAULA CARBALLEIRA!! 

Xa temos todo preparado e estamos moi emocionados/as coa súa visita!! 

E ese contacontos xa vai cheirando a Samaín...toca irse preparando!! Grazas á ANPA e ao Concello da Illa de Arousa pola súa grande colaboración para poder contar con actividades tan chulas e interesantes!! E antes de despedirnos recordarvos que: 

"UN DÍA SEN LER, 

É UN DÍA PERDIDO". 

Apertiñas lectoras!!

O método regueifeiro de Lupe Blanco!!

 Ola peques e familias!!
Nesta entrada imos presentar por fin o proxecto sobre o que traballaremos este curso titulado: "CARCAMÁNS POLO MUNDO"!! Nel descubriremos e aprenderemos moitas cousas sobre diferentes países, dende a súa alimentación, pasando polas bandeiras, tradicións...

Pero para emprender a viaxe debemos comezar por coñecer o noso, o da nosa terra...por exemplo, O XÉNERO DAS REGUEIFAS!! Por iso Libria e o seu equipo, en colaboración co concello e os voluntarios/as de sexto levan uns días argallando unha sorpresa!! Os carteis tan chulos que fixeron os axudantes de sexto poden darvos unha pista!!

Hoxe tivemos un OBRADOIRO para o alumnado dende 3º ata 6º de primaria do método REGUEIFEIRO da grandísima Lupe Blanco que así comezou... REGUEIFANDO!!

Despois, ensinounos todo sobre as REGUEIFAS tamén...REGUEIFANDO por suposto!!




Tamén trouxo esta información tan valiosa para o noso proxecto!!

E, a continuación, ensinounos a crear nós mesmos/as regueifas e saíron moitas ben simpáticas!! Ata nos animamos a cantalas!! 

Foi unha xornada xenial na que aprendemos un montón divertíndonos!! Moitas grazas Lupe!! E Libria aínda garda máis SORPRESAS, estade atentiños/as!!

E recordade que:
"UN DÍA SEN LER E SEN REGUEIFAR,
É UN DÍA PERDIDO"
Apertiñas lectoras!!

Libria dá a benvida ao novo alumnado!!

 Ola peques e familias!! 

Durante estas semanas Libria e o seu equipo estiveron poñendo todo a punto para... A GRAN APERTURA DA BIBLIOTECA O PRÓXIMO LUNS DÍA 29 DE SETEMBRO!! 

POR FIN!! Estabámolo desexando!!

 Todas/os temos moitas ganas!! Pero antes diso tocaban as XORNADAS DE BENVIDA!! 

 Nelas Libria recibe ao novo alumnado do centro para ensinarlle a biblio e contarlle toooooodo o que poden facer alí!! O primeiro día recibiu ao alumnado de Educación Infantil!! 

Alucinaron ao ver a Libria, algúns por primeira vez e outros viviron un gran reencontro!! 

As cariñas de ilusión 

e apertas o dixeron todo!!

Despois de ver á mascota da biblio os/as peques só tiñan unha petición... descubrir os LIBROS que os rodeaban!! 

Libria ao despedirse tiña preparados dous agasalliños para elas e eles!!

 Ao seguinte día tocoulle a quenda aos peques de 1º de primaria que se estrean no "cole dos maiores", como eles e elas din!! 

Viñan cargadiños de ilusión!! 

Neste caso Libria explicoulles o mesmo, ademais do servizo de PRÉSTAMO LECTOR DOS RECREOS!! 

E ata lles ensinou a planta de abaixo á que poderán acceder tamén!! 

Libria preparou uns agasalliños para os peques que a encheron de apertas e agarimo!! 

E sempre nos despedimos 

coa frase de Libria:

 "UN DÍA SEN LER, 

É UN DÍA PERDIDO". 

Apertiñas lectoras!!