SEMANA DO LIBRO

A semana do libro tivemos moitas actividades: intercambios de lectores entre as aulas, os profes leron para o alumnado durante os recreos e ....

 Sorpresa!

 Na biblioteca apareceu unconto xigante

A VISITA DE FINA CASALDERREY

Hai uns días tivemos a sorte de contar coa visita de Fina Casalderrey, á que quixemos felicitar polo seu recente nomeamento como membro da Real Academia Galega.

Fina contounos moitas cousas interesantes e falonos dos seus libros, moi coñecidos por todos nós.

Pasamos un rato moi divertido e quedamos entusiasmados de tela no cole. Agardamos que queira voltar  outra vez!!

SALÓN DO LIBRO INFANTIL DE PONTEVEDRA

 As máquinas inventáronse para solucionar grandes retos: un guindastre ou unha escavadora son máquinas; pero tamén o son unha bicicleta, os foguetes espaciais ou un simple coitelo, ou un ordenador, as escaleiras mecánicas… todos eles son máquinas e teñen en común unha cousa: son inventos humanos que reducen o esforzo necesario para realizar un traballo.

A máquina como o aparato que move o mundo, como artefacto que fai realidade todo o que imaxinemos. Por exemplo: unha máquina para pintar, unha máquina para escribir contos, outra para facer chicles, unha máquina para facer cóxegas, unha máquina para volverse invisible, etc.O ser humano como máquina, as máquinas e o movemento, o escritor como máquina de combinar palabras, a máquina do tempo, máquinas de música… invitámosvos pois a maquinar sobre as máquinas.Inventar, crear, investigar, soñar, experimentar, construír… proxectar as ideas e facelas realidade no XIV Salón do Libro Infantil e Xuvenil 2013 de Pontevedra

O DÍA DE ROSALÍA

O 24 de febreiro  é o día de Rosalía de Castro, data conmemorativa do seu nacemento. Este ano festexamos o 176 aniversario da poetisa, ecoincide coa conmemoración do 150 aniversario do seu libro "Cantares Gallegos". Estes son algúns dos libros que recollen a obra de Rosalía de Castro adaptada para os nenos e nenas.

E seguide este enlace se queredes saber máis cousas da poetisa:

http://www.xunta.es/linguagalega/arquivos/Rosalia_125aniversario.pdf

NOITE NA BIBLIOTECA

A biblioteca municipal organizou un ano máis a "Lectura Nocturna", unha velada para compartir lecturas, libros e diversión.

Esta vez a cita nocturna coa lectura celebrouse no auditorio da localidade e ampliáronse as prazas de 25 a 40.

A aventura comenzou as 21:30 e rematou cun bo almorzo ás 10:30. A actividade foi, coma todos os anos, un éxito, e os nenos e nenas marcharon encantados coa experiencia, e desexando que se repita pronto. 

LIBRO ELECTRÓNICO

O libro electrónico da biblioteca conta xa con novos títulos! Xa sabedes que para utilizalo só tendes que pedilo ós mestres da biblioteca, e eles vos dirán si está dispoñible e como debedes facer bo uso del. Lembrade pedilo co voso carnet da biblioteca!

CONCURSO DA CABALGATA DE REIS

Antía Leiro Dacosta foi a  gañadora do concurso para a elaboración do cartel da cabalgata de Reis 2013 do concello da Illa de Arousa. Noraboa!!!