VIDEOCONTO PARA UN NADAL MÁIS SOSTIBLE

Aquí tedes o videoconto especial de Nadal protagonizado pola Familia Trebón e que leva por título “Unha carta moi especial”. Este ano, os Reis Magos, Papa Noel e mailo Apalpador decidiron unirse para pedir aos nenos e nenas unha serie de favores: que escollan ben o agasallo que máis lles guste e aquel ao que vaian dar uso; que pidan poucos agasallos a fin de que cheguen para todos os nenos e nenas do Planeta Verde, recordando que o mellor de todos eles é compartir cos amigos os xoguetes; e o máis importante, que sexan moi felices e que axuden tamén a ser felices ás persoas que teñen ao seu arredor.

 Tamén aproveitan para felicitar aos escolares por aprender tan ben a regra dos tres erres e instannos a ensinarlla aos seus compañeiros e maiores.

AS MOCHILAS DE LIBRIA VOLVEN VIAXAR

ESTES DÍAS PARTIRON DA BIBLIOTECA AS MOCHILAS VIAXEIRAS CON DESTINO ÓS VOSOS FOGARES. VAN REPLETAS DE IMAXINACIÓN, FANTASÍA E MOITAS COUSAS NOVAS PARA DESCUBRIR E APRENDER EN FAMILIA.

NON ESQUEZADES DEIXAR NO BLOC OS VOSOS COMENTARIOS, OPINIÓNS OU DEBUXOS PARA QUE VEXAN OS VOSOS COMPAÑEIROS DE CLASE. BOA VIAXE!!!

SEPAREMOS BEN, RECICLAREMOS MELLOR

NON ROMPAS O ESFORZO DE TODOS, RECICLA. CON ESTE LEMA DESENVOLVEMOS ESTES DÍAS UNHA ACTIVIDADE ENMARCADA NO NOSO PROXECTO DE EDUCACIÓN DOCUMENTAL PARA ESTE CURSO, COA COLABORACIÓN DE SOGAMA (SOCIEDADE GALEGA DO MEDIO AMBIENTE).

OS EDUCADORES AMBIENTALES QUE VIÑERON ÁS AULAS LEMBRÁRONLLE Ó ALUMNADO A IMPORTANCIA DE SEPARAR OS RESIDUOS Á HORA DE TIRAR O LIXO, PARA ASÍ PODER RECICLAR A MAIOR CANTIDADE DE DESPERDICIOS POSIBLE, CONTRIBUÍNDO DESTE XEITO A COIDAR O MEDIO AMBIENTE.

AS AXUDANTES DE LIBRIA ESTA SEMANA

IRINA E SARA, DE 4ºA

PRIMEIRAS VISITAS NA BIBLIOTECA

Os nenos e nenas de primeiro están  estes días descubrindo a biblioteca do cole e as súas posibilidades: Cómo levar un libro prestado para a casa, onde están os DVD´s, os cómics, os libros de inglés, cómo utilizar os ordenadores e os xogos e, claro está, á nosa mascota Libria, que lle lembrou as normas da biblioteca.

E parece que lles gustou moito!

QUE BOTAMOS NO CONTEDOR AMARELO

A empresa que recolle o contedor amarelo nas rúas da Arousa ven de desenvolver unha sesión didáctica co alumnado de 4º de Educación Primaria para explicarlle cómo é o proceso de reciclaxe e a importancia de facelo correctamente.

 Esta é a primeira actividade do noso proxecto de biblioteca para este curso, que este ano adicaremos ó DESENVOLVEMENTO SOSTIBLE e organizouse coa colaboración da Concellería de Educación e Medio Ambiente da Illa.

LEMBRADE: no contedor amarelo botamos só os envases de plástico, as latas e os briks. E temos que estar atentos porque non todas as cousas de plástico van ó contedor. Non debemos botar xoguetes, electrodomésticos, discos, cueiros, nin utensilios de cociña ou louza. Tampouco se poden botar os envases de líquidos corrosivos como aceite de coches, nin os envases de medicamentos,  que deben depositarse nos Puntos Sigre que hai nas farmacias.

COÑECENDO MÁIS DA ALIMENTACIÓN

O ALUMNADO DE QUINTO  DE EDUCACIÓN PRIMARIA PARTICIPOU ESTES DÍAS NA ACTIVIDADE "VISITA O TEU SUPERMERCADO". LOGO DE RECIBIR UNHA PEQUENA CHARLA NO COLEXIO ABORDANDO ASPECTOS RELACIONADOS COA NUTRICIÓN, UNHA ALIMENTACIÓN AXEITADA E AS ETIQUETAS DOS ALIMENTOS, FORON DE VISITA Ó SUPERMERCADO EROSKI DE VILANOVA DE AROUSA.

ALÍ VISITARON TODAS AS SECCIÓNS GUIADOS POR EVA E OS RESPONSABLES DO SUPER, E CONTINUARON EXPLICANDOLLES MOITOS ASPECTOS RELEVANTES PARA FACER UNHA BOA COMPRA E COIDAR A NOSA ALIMENTACIÓN.

NON FALTARON OS XOGOS, EXPLORANDO AS TEXTURAS E OS OLORES E SABORES DOS ALIMENTOS NATURAIS.

E PARA REMATAR, UNHA DEGUSTACIÓN PREPARADA CON MOITO DETALLE LOGROU QUE TODOS GOZARAN COAS FROITAS. MIRADE QUE BOA PINTA!!

 E POR SI FÓRA POUCO, TODOS RECOLLERON UN AGASALLO CON ALIMENTOS, XOGOS E BOLSAS  RESPETUOSAS CO MEDIO AMBIENTE  PARA FACER A COMPRA. FOI XENIAL!!!!

A ARTE DO MEXILLÓN

COINCIDINDO COA FESTA DAS LETRAS GALEGAS, A BIBLIOTECA MUNICIPAL DA ILLA ACHEGOU UNHA ACTIVIDADE QUE PRETENDÍA DAR A COÑECER AS PROPIEDADES ALIMENTICIAS E NUTRITIVAS DO MEXILLÓN, DISFRUTAR DO SEU SABOR E DAS SÚAS POSIBILIDADES ARTÍSTICAS.

MIRADE QUE OBRAS DE ARTE FEITAS COAS CUNCHAS DO MEXILLÓN!!!

 OS MAIORES TIVERON UN ENCONTRO CUN MEMBRO DO CONSELLO REGULADOR DO MEXILLÓN PARA CONTARLLE DE PRIMEIRA MAN ASPECTOS RELACIONADOS CO CULTIVO, A VIDA E OS SISTEMAS DE PRODUCCIÓN DO MEXILLÓN.

 E  ELABORAMOS E DEGUSTAMOS UN RIQUÍSIMO PATE A PARTIR DE MEXILLÓN EN CONSERVA.

ESTA ACTIVIDADE PERMITÍUNOS SEGUIR AFONDANDO NO PROXECTO DE TRABALLO DA BIBLIOTECA DO COLE PARA ESTE CURSO, QUE COMO SABEDES XIRA ARREDOR DA ALIMENTACIÓN E DA NUTRICIÓN.

LETRAS GALEGAS

O VENRES DA SEMANA PASADA FESTEXAMOS O DÍA DAS LETRAS GALEGAS, ADICADO ESTE ANO A XOSÉ MARÍA DÍAZ CASTRO.
NO CORREDOR DA ENTRADA FIXEMOS UNHA EXPOSICIÓN COAS POESÍAS MÁIS FERMOSAS DO NOSO ALUMNADO PARA CONMEMORAR ESTA DATA.

 LOGO DUNHA SEMANA CHEA DE TRABALLO E EXAMES, CHEGOU A HORA DE DIVERTIRSE COS XOGOS POPULARES QUE PREPARARON OS PROFES PARA TODO O ALUMNADO NO PATIO DO CENTRO.

CONTOS PARA VER E COMER

VAIA SORPRESA LEVOU O ALUMNADO DE EDUCACIÓN INFANTIL A PASADA SEMANA. 

AS NAIS E PAIS DALGÚNS DELES CONVERTÉRONSE EN PERSOAXES DO CONTO "A CASIÑA DE CHOCOLATE" PARA REPRESENTALO NO COLE. 

 TODOS QUEDARON ABRAIDOS COA POSTA EN ESCEA E CO BEN QUE O FIXERON.

POR ISO QUIXERONLLES AGASALLAR CUN DIPLOMA FEITO POR ELES

E POR SI FORA POUCO, A MAMÁ DE JORGE TROUXO UNHA CASIÑA DE CHOCOLATE COMA A DO CONTO PARA COMER.

ESTABA DELICIOSA!!

AXUDANTES DE LIBRIA DAS ULTIMAS SEMANAS

ELOY PAZ E GIOVANNA PATÓN DE 3ºB

IRIA DIZ E NATALIA DIOS DE 5ºA

MIGUEL POZA E LIDIA RIVAS DE 3ºC

AIMAR RIVEIRO E ROBERTO REY DE 3ºC

MIGUEL FERNÁNDEZ E DANIEL TORRES DE 4ºB

SARA PADÍN E MIGUEL PARADA